Historiku - Universiteti "Isa Boletini"

Historiku i zhvillimit të Fakultetit të Teknologjisë Ushqimore

Themelimi i Fakultetit të Teknologjisë Ushqimore është i lidhur me hapjen e Shkollës së Lartë Teknike në vitin 1961. Kjo ka qenë shkolla e vetme e këtij lloji në Kosovë. Në kuadër të kësaj shkolle kanë qenë drejtimet Xehetari, Metalurgji dhe Teknologji, studimet kanë zgjatur dy vjet. Në vitin 1970 në kuadër të Fakultetit Teknik të Prishtinës hapen degët Teknologji, Xehetari dhe Metalurgji, fillimisht në Mitrovicë, viti akademik 1970/71, për të vazhduar pastaj në Prishtinë deri në themelimin e Fakultetit të Xehetarisë dhe Metalurgjisë në Mitrovicë.

Me vendimin e Kuvendit të Krahinës Socialiste Autonome të Kosovës, më 22 korrik 1974 themelohet Fakulteti i Xehetarisë dhe Metalurgjisë në Mitrovicë. Në Shkollën e Lartë Teknike shuhen drejtimet ekzistuese, Xehetari, Metalurgji dhe Teknologji por hapen drejtimet e Makinerisë dhe Elektroteknikës. Në kuadër të Fakultetit të Xehetarisë dhe Metalurgjisë. Që nga viti akademik 1980/81, në këtë Fakultet hapet edhe dega Gjeologji. Prej vitit akademik 2001/2002, studimet organizohen sipas sistemit të Bolonjës dhe zgjasin 3 vjet. Prej vitit akademik 2008/2009 organizohen edhe studimet Master. Në vitin 2011, me vendimin e Këshillit Drejtues të Universitetit të Prishtinës, ndërron emërtimi i Fakultetit, nga Fakulteti i Xehetarisë dhe Metalurgjisë në Fakultetin e Gjeoshkencave dhe Teknologjisë.

Objekti i ish-Shkollës së Lartë Teknike përkatësisht i Fakultetit të Xehetarisë dhe Metalurgjisë

Më 06.03.2013, Qeveria e Republikës së Kosovës merr vendim për themelimin e Universitetit të Mitrovicës. Ndërsa Kuvendi i Kosovës e ratifikon këtë vendim më 31.05.2013.

Mbi bazën e Fakulteti të Gjeoshkencave dhe Teknologjisë themolohen dy fakultete të reja, Fakulteti i Teknologjisë Ushqimore dhe Fakulteti i Gjeoshkencave.

Në Fakultetin e Teknologjisë Ushqimore mësimi përkatësisht studimi është i organizuara në dy nivele, Bachelor dhe Master.

Programet e studimit janë të akredituara nga Agjencia e Kosovës për Akreditim që nga viti 2011.

Aktualisht janë të akredituara katër programe studimi, “Teknologji” me specializimet “Inxhinieri Mjedisore”;“Inxhinieri Kimike”, dhe programi tjetër “Inxhinieri dhe Teknologji Ushqimore”në nivelin Bachelor.

Në nivelin Master po ashtu janë të akredituara dy programe studimi, “Teknologji” me specializimet “Inxhinieri Kimike”;“Inxhinieri e Mbrojtjes Mjedisore”, dhe programi tjetër “Inxhinieri dhe Teknologji Ushqimore”.

uibm_net