Ftesë për Pjesëmarrje në Konferencën Ndërkombëtare Shkencore për Biznes dhe Ekonomi (ISCBE 2025)
Me kënaqësi ju ftojmë të merrni pjesë në Konferencën e 8-të Ndërkombëtare Shkencore për Biznes dhe Ekonomi (ISCBE 2025), e cila do të mbahet më 08-09 maj 2025 në Universitetin e Evropës Juglindore, Tetovë, Maqedonia e Veriut.
Tema e këtij viti, “Rezilienca dhe Qëndrueshmëria Ekonomike: Sfidat Bashkëkohore”, do të ofrojë një platformë të pasur për diskutimin e sfidave aktuale që lidhen me qëndrueshmërinë ekonomike, transformimet e gjelbra dhe dixhitale, modelet e qëndrueshme të biznesit, ekonominë rrethore dhe rolin e financave në arritjen e objektivave të qëndrueshmërisë.
Kjo konferencë paraqet një mundësi të shkëlqyer për të ndarë hulumtimet tuaja, për të krijuar kontakte profesionale dhe për të kontribuar në diskutime që formësojnë të ardhmen e biznesit dhe ekonomisë në nivel ndërkombëtar. Pjesëmarrja e stafit akademik nga UIBM do të ishte një vlerë e shtuar për këtë ngjarje shkencore.
Afatet kryesore:
Afati i dorëzimit të punimeve të plota: 15 Prill 2025
Njoftimi për pranimin e punimeve: 22 Prill 2025
Afati i dorëzimit të versionit përfundimtar (për botim): 08 Maj 2025
Datat e Konferencës: 08-09 Maj 2025
Për më shumë informacion rreth udhëzimeve për dorëzim dhe detajeve të tjera, ju lutemi vizitoni faqen zyrtare të konferencës ose kontaktoni organizatorët.
Ju inkurajojmë që të merrni pjesë dhe të ndani punën tuaj kërkimore në këtë ngjarje të rëndësishme akademike
