Këshilli Drejtues (KD) i Universitetit “Isa Boletini” në Mitrovicë (UIBM), ka marrë vendim në mbledhjen e mbajtur të hënën që të shpallet konkursi për bursat e studentëve për vitin akademik 2023/24. Shuma e miratuar e bursës do të jetë në vlerë të 1 mijë euro, mirëpo ajo mund të ndryshojë varësisht prej numrit të studentëve që i plotësojnë kriteret e konkursit.

Në këtë mbledhje ku janë miratuar edhe disa pika të tjera, sikur vendimi për shpalljen e konkursit për praktikant në administratën e UIBM, rektorja, prof.dr. Nurten Deva, i ka informuar drejtuesit dhe anëtarët  e KD-së edhe për rrjedhat në UIBM. Ajo përmendi ngjarjet kryesore, sikur Konferenca Shkencore e Gjeoshkencave, marrëveshjet e bashkëpunimit me universitete dhe organizata të ndryshme etj.