“Konferenca e Dytë Ndërkombëtare Multidiciplinare”, mbahet online në plaftormën zoom, më 8 tetor 2020
Më 8 tetor 2020, në Universitetin e Mitrovicës “Isa Boletini” (UMIB) mbahet online në platformën zoom Konferenca e Dytë Ndërkombëtare Multidiciplinare “Gjeoshkencat dhe zhvillimi i qëndrueshëm” IMGC 2020. Në këtë konferencë njëditore do të prezantohen me punimet e tyre 31 pjesëmarrës nga vende të ndryshme.
Kryetari i Këshillit Organizativ, prof.dr. Sabri Avdullahi, tha se përveç nga Kosova dhe Shqipëria, në konferencë do të marrin pjesë edhe studiues nga Finlanda, Sllovenia, Kandaja dhe Hungaria. “Kjo është Konferenca e Dytë Multidiciplinare që mbahet në UMIB, pas asaj të vitit të kaluar dhe përkundër rrethanave presim që të jetë e suksesshme”, tha ai.
Konferenca organizohet nga Fakulteti i Gjeoshkencave në Universitetin e Mitrovicës “Isa Boletini”, kurse bashkëorganizatorë janë edhe Komisioni i Pavarur për Miniera dhe Minerale dhe Ministria e Ekonomisë dhe Ambientit.