Universiteti “Isa Boletini” në Mitrovicë (UIBM) do të bashkëpunojë me “Konya University” nga Turqia në fusha me interes reciprok. Për të specifikuar fushat e bashkëpunimit dhe për të ndarë detyrat dhe përgjegjësitë, u nënshkrua edhe një Marrëveshje Bashkëpunimi në një takim (online) ndërmjet drejtuesve të të dy institucioneve.

Përveç të tjerash, në kuadër të Marrëveshjes së Bashkëpunimit, parashihet angazhimi i përbashkët sa i përket projekteve dhe hulumtimeve në programin  Erasmus+,  mobiliteti i stafit dhe studentëve, organizimi i konferencave të përbashkëta, tryezave të rrumbullakëta etj. Rektorja e UIBM, prof.dr. Nurten Deva, tha se kjo marrëveshje është edhe një mundësi më shumë për studentët dhe stafin akademik.