Rektorja e Universitetit “Isa Boletini” në Mitrovicë (UIBM), prof.dr. Nurten Deva, ka nderuar me mirënjohje profesoreshën nga Universiteti i Varshavës në Poloni, prof.dr. Marta Witkowska, e cila për disa muaj me radhë ka qëndruar si staf vizitorë në UIBM. Rektorja Deva e ka falënderuar profesoreshën Witkowska për angazhimin e saj në UIBM, ligjëratat, tryezat dhe aktivitetet e zhvilluara gjatë muajve sa ka qëndruar.

Po ashtu me mirënjohje është nderuar edhe dekani i Fakultetit Juridik, prof.dr. Islam Qerimi, i cili ka kontribuar në thellimin e bashkëpunimit me Universitetin e  Varshavës. Në takimin lamtumirës me profesoreshën Witkowska, ishin edhe prorektorët Edita Bekteshi e Sabri Avdullahi.