Qendra për Zhvillim në Karrierë në kuadër të Universitetit „Isa Boletini“ në Mitrovicë në bashkëpunim me GIZ kanë prezantuar të hënën para studentëve “ Udhëzuesin për Migrim të Rregullt Jashtë Vendit”. Në emër të UIBM, të pranishmit i ka përshëndetur, Alban Fazliu nga QZHK-ja, ndërsa nga GIZ-i kanë prezantuar Kaltrina Fejzullahu, këshillare për migrim dhe Burim Korça, konsulent.

Temat për të cilat u diskutua gjatë prezantimit ishin: Migrimi i rregullt, Mundësitë e studentëve kosovarë, Mobiliteti për studentë, Puna praktike, Puna vullnetare, Punësim sezonal, Au Pair, Hospitimi, Vendet më të preferuara, Kriteret, Aspektet financiare, Dokumentet e kërkuara, Rreziqet – Migrimi i parregullt etj.