Me kërkesë të dekanit të Fakultetit Juridik, prof.asoc.dr. Islam Qerimi janë pajisur me projektorë të gjithë sallat e mësimit në këtë njësi akademike.  Kjo është realizuar nga Zyra e Teknologjisë së Informacionit, që ka instaluar projektorët në këto salla, duke përmirësuar kushtet e mësimit për studentë dhe punës për stafin akademik.

Drejtori për Teknologji të Informacionit, Luzlim Bunjaku, tha se në Fakultetin Juridik janë pajisur me projektorë sallat e mësimit: S 403, S 404 dhe S 405, të cilat janë lidhur me rrjet. Sipas tij, janë aftësuar për punë edhe projektorët në sallat: S 401, S 406, S 408 dhe S 409.

Dekani i Juridikut, tha se pajisja e sallave me projektorë ka qenë edhe kërkesë e ekspertëve të jashtëm për implementimin e rekomandimeve të programit të njësisë akademike.