Prorektorja për Mësimdhënie, Çështje të studentëve dhe Zhvillim të cilësisë,  ka zhvilluar një takim me z. Qëndrim Lluka nga organizata OPTIMA, në lidhje me implementimin e projektit  “Zhvillimi i një Sistemi Gjithëpërfshirës të Performancës së Stafit Akademik për Sistemin Publik të Universitetit të Arsimit të Lartë në Kosovë”, të financuar nga Ambasada Amerikane në Kosovë.

Prorektorja Shala, e falenderoi z. Lluka edhe në emër të Rektorit të Universitetit “Isa Boletini” në Mitrovicë, Prof. Dr. Alush Musaj. Në takim, Prorektorja shprehu  kënaqësinë që  projekti i implementuar nga organizata Optima, ka ardhur në momentin e duhur edhe ka ofruar një përmbajtje specifike dhe të nevojshme  për kohën në të cilën është prezantuar.  Aktivitetet e këtij projekti u bënë pjesë e sistemit të cilësisë, duke synuar një pikë të përbashkët dhe një harmonizim korrekt të aktiviteteve dhe veprimtarive të zhvilluara, të cilat kanë kontribuar shumë në fuqizimin dhe rritjen/zhvillimin e cilësisë në universitetin tonë.

Me këtë rast,  Prorektorja Shala, pranoi edhe një Certifikatë Mirënjohjeje për pjesëmarrjen në projekt dhe bashkëpunimin në realizimin e këtij projekti.