Fakulteti i Shkencave Politike dhe Juridike i Universitetit “Aleksandër Moisiu” Durrës ka hapur thirrjen për aplikim në Konferencën e 8-të Shkencore Ndërkombëtare me temë: “Shteti, Shoqëria dhe Ligji: Sfidat dhe Kushtet për Paqen, Demokracinë, Zhvillimin dhe Integrimin”, e cila do të mbahet më 18 prill 2025 në ambientet e fakultetit në Durrës.

Kjo konferencë synon të krijojë një hapësirë për diskutim akademik mes studiuesve, akademikëve dhe studentëve mbi çështje kyçe si paqja, demokracia, zhvillimi dhe integrimi evropian.

Ftojmë të gjithë të interesuarit të dorëzojnë abstraktet e tyre deri më 10 mars 2025 në adresën e emailit: conference_fshpj@uamd.edu.al. Njoftimi për pranimin e abstrakteve do të bëhet më 15 mars 2025.

Tematikat kryesore të konferencës përfshijnë:

E drejta dhe sfidat aktuale gjyqësore
Politika, demokracia dhe marrëdhëniet ndërkombëtare
Administrata publike midis politikës, efikasitetit dhe integrimit evropian
Media, demokracia dhe sfidat e informacionit në epokën digjitale
Punimet mund të prezantohen në gjuhën shqipe dhe anglisht.

Për më shumë detaje, ju lutemi shikoni thirrjen e bashkëngjitur.