Të nderuar/a,

Ftoheni të merrni pjesë në Tryezën Shkencore (online) me rastin e 17 – vjetorit të Deklaratës së Pavarësisë së Kosovës, që mbahet  të enjten (13 shkurt 2025), prej orës 10:00 -11:30. Tryeza shkencore do të udhëhiqet nga Prof. Dr. Hab. Marta Witkowska nga Fakulteti i Shkencave Politike dhe Marrëdhënieve Ndërkombëtare në Universitetin e Varshavës, si dhe Prof. Asoc. Dr. Islam Qerimi, Dekan i Fakultetit Juridik në Universitetin “Isa Boletini” në Mitrovicë. Pjesëmarrës në këtë ngjarje, përveç profesorëve nga këto dy fakultete, do të jenë gjithashtu personalitete të larta nga Komisioni Evropian!

Më 17 shkurt 2008, përfaqësuesit e popullit të Kosovës miratuan Deklaratën e Pavarësisë. Kjo deklaratë u nënshkrua nga Presidenti i Republikës së Kosovës, së bashku me 109 përfaqësues.

Që nga 17 shkurti 2008, një numër i madh shtetesh e kanë njohur Kosovën si një entitet të pavarur dhe sovran.
Për më tepër, shumica e shteteve evropiane e kanë njohur Republikën e Kosovës, përfshirë të gjitha shtetet fqinje, me përjashtim të Serbisë.

Në Evropë, ekziston një konsensus i gjerë që njohja e Kosovës si shtet i pavarur dhe sovran është një element kyç për ruajtjen e paqes dhe sigurisë në rajon.

Më 13 shkurt Organizatorët e këtij eventi shkencor kanë për qëllim të nxisin një diskutim lidhur me 17 vjetorin e Deklaratës së Pavarësisë së Kosovës.

Ne mirëpresim me ngrohtësi çdo person të interesuar dhe të etur për të marrë pjesë në këtë bisedë!
Takimi do të zhvillohet në gjuhën angleze.
Qendra për organizimin e takimit do të jetë Fakulteti Juridik i UIBM!
Ne ofrojmë transmetim të drejtpërdrejtë.

Agjenda!