Në Universitetin “Isa Boletini” në Mitrovicë (UIBM) është mbajtur të mërkurën një sesion informues në lidhje me thirrjen që do të hapet për bursa për studimet e nivelit master në shtetet e Bashkimit Evropian për vitin akademik 2022/23. Thirrja do të hapet në kuadër të projektit “Young Cell Scheme”  – raundi XIII.

“Young Cell Scheme”, e nisur në vitin 2004 është kthyer dhe do të vazhdojë të ofrojë një mundësi për studentët e rinj në Kosovë për të studiuar në universitetet më të mira në shtetet anëtare të BE-së, duke ofruar një bursë njëvjeçare, dyvjeçare dhe mundësinë për përfituesin të punojë për shërbimin civil të Kosovës, pas përfundimit të programit.

Programi financohet nga Bashkimi Evropian dhe bashkëfinancohet nga Qeveria e Kosovës dhe zbatohet nga Universiteti “Aristoteli” i Selanikut dhe INSP.