Në datat 27-28 Mars, në Universitetin EMUNI në Piran Slloveni, u mbajt takimi i projektit Zhvillimi i Kapaciteteve Lidershipi në Arsimin e Lartë në Shqipëri dhe Kosovë (LEADALKO).

Ngjarja mblodhi së bashku përfaqësues nga Universiteti “Isa Boletini”, Universiteti i Ballkanit Perëndimor, Universiteti Beder, Universiteti Epoka, Shkolla Ndërkombëtare për Studime Sociale dhe Biznesi, Universiteti Medea dhe Kolegji i Biznesit në Prishtinë.

Merita Shala-koordinatore e LeadAlko për UIBM, Prof. Filloreta Kunoviku Demiri-Prodekane në Fakultetin Ekonomik dhe Prof. Samire Bllaca Balaj-Dekane e Fakultetit të Edukimit, duke përfaqësuar Universitetin “Isa Boletini”, morën pjesë aktive në takim.

Gjatë aktivitetit u zhvilluan takime projektesh dhe seminare kërkimore, me fokus zhvillimin e mëtejshëm të programeve që do të përbëjnë themelin e projektit LEADALKO. E bashkëfinancuar nga Bashkimi Evropian, kjo nismë synon të rrisë zhvillimin e lidershipit në institucionet e arsimit të lartë në Shqipëri dhe Kosovë, duke hartuar dhe pilotuar një program të përbashkët lidershipi dhe zhvillimi.

Partnerët e konsorciumit të LEADALKO mbeten të përkushtuar për të nxitur përsosmërinë akademike dhe bashkëpunimin ndërkombëtar, duke kontribuar në avancimin e lidershipit në arsimin e lartë në të gjithë rajonin.

#LEADALKO #Arsimi i Lartë #Zhvillimi i Lidershipit #UIBM #Bashkëpunim Ndërkombëtar #Shkëlqesi Akademike