Urimi i dekanit të Fakultetit të Edukimit për vitin e ri 2023
Të nderuar kolegë,
Të dashur studentë,
Me mbylljen e vitit dhe fillimin e vitit të ri (2023), dëshiroj të shpreh mirënjohjen time të sinqertë për punën e palodhur, mbështetjen dhe bashkëpunimin tuaj gjatë vitit që e lam pas. U jam mirënjohës të gjithëve për përkushtimin në punë dhe mbështetjen për të bërë punë të mira, duke krijuar një mjedis të përshtatshëm për t’u zhvilluar, dhe jam gjithashtu i lumtur që shoh studentët tanë teksa rriten dhe arrijnë qëllimet e tyre.
Së bashku, të përkushtuar në punë të mira, me sinqeritet dhe modesti, mund të arrijmë suksese edhe më të mëdha në Vitin e Ri 2023.
Faleminderit për kontributin tuaj dhe për sukseset e këtij viti. Mezi pres të vazhdoj të punoj me të gjithë ju në vitin e ri dhe të arrijmë gjëra edhe më të mëdha së bashku.
Ju uroj të gjithëve një vit të ri të shëndetshëm, të lumtur dhe të begatë!