Sot u bë përurimi i muralit dhe hapja solemne e ekspozitës, të organizuara nga studentët e Fakultetit të Edukimit, nën udhëheqjen e Prof. Sarandë Kika Bahtiri.

Në këtë organizim ishin të pranishëm rektorja, Prof. Dr. Nurten Deva, sekretari i përgjithshëm, Avdyl Beqiri, stafi akademik dhe administrativ, si dhe studentët.

Në hapjen e ekspozitës mbajti fjalim kryetarja e Këshillit Studentor të Fakultetit të Edukimit, Alketa Muja, e cila shprehu mirënjohjen dhe falënderoi Universitetin “Isa Boletini” Mitrovicë dhe menaxhmentin e Fakultetit të Edukimit për hapësirën e dedikuar lëndëve të artit si dhe furnizimin me pajisje dhe materiale të nevojshme, pa të cilat realizimi i projekteve tona nuk do të ishte i mundur. Gjithashtu, ajo falënderoi të gjithë studentët që kontribuan në realizimin e muralit dhe ekspozitës.

Një fjalë rasti mbajti edhe prodekanja, Prof. Sarandë Kika Bahtiri, e cila falënderoi të gjithë kontribuesit për bashkëpunimin dhe gatishmërinë që kanë shprehur për realizimin e muralit dhe ekspozitës, me ç’rast e shpalli të hapur ekspozitën.