Më 23 maj 2025, 50 studentë nga Fakulteti i Inxhinierisë Mekanike dhe Kompjuterike (FIMK) morën pjesë në Digital Skills Festival 2025, të mbajtur në Innovation and Training Park (ITP) në Prizren.

Ky festival, i organizuar nga Qendra për Transformim Digjital në ITP dhe i bashkëfinancuar nga
Bashkimi Evropian dhe Qeveria Gjermane, mblodhi studentë, profesionistë dhe inovatorë nga gjithë Kosova për të eksploruar zhvillimet më të fundit në teknologji, digjitalizim dhe inovacion.
Studentët tanë patën mundësinë të marrin pjesë në një sërë aktivitetesh frymëzuese: prezantime mbi teknologjitë e gjelbra, diskutime mbi sipërmarrjen dhe transformimin digjital, si dhe punëtori praktike në fusha si inteligjenca artificiale, siguria kibernetike dhe teknologjitë inteligjente.

Pjesëmarrja në këtë festival ofroi një përvojë të çmuar, duke i ekspozuar studentët tanë ndaj ideve të reja, bashkëpunimit ndërinstitucional dhe përvojave praktike që forcojnë përgatitjen e tyre për të ardhmen. Përkrah studentëve, morën pjesë edhe profesorë nga UIBM, duke qëndruar pranë tyre dhe përkrahur zhvillimin e tyre profesional nga afër.

Universiteti “Isa Boletini” në Mitrovicë mbetet i përkushtuar në nxitjen e përvojave të tilla praktike dhe të hapura ndaj botës së jashtme, si pjesë e vizionit për t’i përgatitur studentët për sfidat dhe mundësitë e tregut të punës në epokën digjitale!