Ju njoftojmë se më 21 tetor 2025 në Fakultetin e Teknologjisë Ushqimore do të zhvillohet një vizitë zyrtare nga profesorët e Savonia University of Applied Sciences – Finlandë, në kuadër të bashkëpunimit ndërkombëtar dhe programit Erasmus+.

Datë: 21.10.2025

Ora: 09:30 – 14:00

Vendi: Fakulteti i Teknologjisë Ushqimore, UIBM

Gjatë kësaj vizite, do të mbahen prezantime dhe diskutime me studentët e programeve Bachelor dhe Master për:

• Mundësitë e mobilitetit ndërkombëtar për studentë dhe staf akademik
• Programet dhe bashkëpunimet ndërmjet dy universiteteve
• Prezantime nga profesorët e Savonia-s për programet ndërkulturore dhe zhvillimin në fushën e teknologjisë ushqimore

Studentët do të kenë mundësi të bëjnë pyetje, të informohen për mundësitë e studimeve dhe praktikave jashtë vendit, si dhe të krijojnë kontakte të drejtpërdrejta me profesorët nga Finlanda.

Pjesëmarrja e studentëve është e inkurajuar dhe shumë e rëndësishme, pasi kjo është një mundësi shumë e mirë për zhvillimin tuaj akademik dhe professional.