Departamenti i Materialeve dhe Metalurgjisë, Fakulteti i Gjeoshkencave, Universiteti “Isa Boletini” në Mitrovicë, në bashkëpunim me Düzce University – Turkey, realizoi sot ligjëratën ndërkombëtare me temë:

“The Importance of Magnesium Alloys in the Development of Biodegradable Implants”

Ligjërata u mbajt nga Prof. Dr. Hüsnü Gerengi dhe Prof. Dr. Ilyas Uygur, nga Düzce University – Turkey.

Gjatë ligjëratës u trajtua rëndësia e përlidhjeve të magnezit në zhvillimin e implanteve biodegraduese, me fokus në aplikimet e tyre në fushën biomjekësore, përfshirë implantet ortopedike, kardiovaskulare, maksilofaciale dhe inxhinierinë e indeve. Gjithashtu, u diskutuan vetitë kryesore të këtyre materialeve, sfidat që lidhen me degradimin dhe korrozionin, si dhe potenciali i tyre për përdorim në teknologjitë moderne të shëndetësisë.

Ligjërata paraqiti një aktivitet të rëndësishëm akademik, duke ndërlidhur shkencën e materialeve, metalurgjinë, biomaterialet dhe aplikimet mjekësore të materialeve metalike të avancuara.