Profesori Feim Gashi nga Universiteti i Kirklarelit në Turqi, i cili është gjithashtu koordinator i universitetit për Ballkanin dhe drejtor i Qendrës për Studime Ballkanike në këtë universitet, vizitoi sot UIBM dhe ofroi mbështetje nga Universiteti i Kirklarelit për nënshkrimin e marrëveshjeve në fushën akademike, të cilat do të forcojnë lidhjet mes institucioneve duke krijuar mundësi të reja për shkëmbim njohurish, avancim të kërkimit shkencor dhe rritje të bashkëpunimit ndërkombëtar në rajon. Ai theksoi rëndësinë e mobiliteteve, angazhimeve në projekte të përbashkëta dhe organizimit të konferencave që do të pasurojnë ofertat akademike të të dy universiteteve dhe do të fuqizojnë bashkëpunimin afatgjatë mes tyre.