UIBM po merr pjesë në rrjetin JOININ në Universitetin e Salzburgut, përfaqësuar nga prof. Edita Bekteshi, Eliza Avdiu dhe studentet Rina Voca dhe Laureta Doberdolli.
Qëllimi i këtij trajnimi është mbështetja e qëndrueshmërisë dhe zhvillimit të nismave ekzistuese dhe të ardhshme për arsimin gjithëpërfshirës për studentët me aftësi të kufizuara intelektuale në mbarë Evropën.

Gjatë trajnimit po diskutohen metoda, qasje dhe teknika bashkëkohore që përdoren në klasat gjithëpërfshirëse, me synimin për të përmirësuar procesin e mësimdhënies dhe mësimnxënies për çdo student.

Në këtë aktivitet marrin pjesë përfaqësues nga universitetet e SHBA-së, Spanjës, Irlandës, Hungarisë, Zvicrës, Austrisë dhe shumë vende të tjera, për të ndarë përvoja dhe për të bashkëpunuar në zhvillimin e mëtejshëm të arsimit gjithëpërfshirës.