Fakulteti Juridik i Universitetit “Isa Boletini” në Mitrovicë organizon aktivitetin “Gjykimi i Simuluar”, i cili do të mbahet më 21 maj 2025, duke filluar nga ora 10:00, në ambientet e Fakultetit Juridik.

Ky aktivitet ka për qëllim promovimin e aftësive praktike të studentëve në fushën juridike përmes simulimit të një procesi gjyqësor, si dhe forcimin e bashkëpunimit akademik dhe profesional ndërmjet Fakultetit Juridik dhe Institucioneve të Drejtësisë së Republikës së Kosovës.

Programi i aktivitetit përfshin:

• Hapjen zyrtare të aktivitetit;
• Fjalën hyrëse nga Dekani i Fakultetit Juridik;
• Prezantimin e panelit vlerësues dhe rregullave të garës;
• Zhvillimin e gjykimit të simuluar nga grupet pjesëmarrëse;
• Vlerësimin dhe shpalljen e rezultateve nga Paneli i Institucioneve të Drejtësisë.

Ftohen të gjithë të interesuarit, stafi akademik, studentët dhe përfaqësuesit institucionalë që të marrin pjesë në këtë aktivitet dhe të kontribuojnë në mbështetjen e zhvillimit profesional të studentëve tanë.

Agjenda!