Përfaqësues te universitetit tone moren pjesë në Asamblenë e Përgjithshme dhe Konferencën Vjetore të Shoqatës Evropiane të Universiteteve (EUA), të mbajtur në prill 2026 në Yeditepe University.

Konferenca, e zhvilluar nën temën “Zëri i Universiteteve të Evropës”, mblodhi së bashku udhëheqës universitarë dhe aktorë të arsimit të lartë nga e gjithë Evropa për të trajtuar prioritetet strategjike dhe sfidat aktuale në peizazhin evropian të arsimit të lartë dhe kërkimit shkencor.

Diskutimet kryesore u fokusuan në transformimin e arsimit të lartë në kontekstin e digjitalizimit dhe inteligjencës artificiale, presionet në rritje financiare mbi institucionet, si dhe ndikimin e paqëndrueshmërisë gjeopolitike dhe rikonfigurimeve politike në Evropë. Vëmendje e veçantë iu kushtua rolit të universiteteve në forcimin e konkurrueshmërisë, mbrojtjen e lirisë akademike dhe avancimin e qëndrueshmërisë, si dhe të ardhmes së programeve kryesore evropiane si Erasmus+ dhe Horizon Europe në kuadër të Kornizës së ardhshme Financiare shumëvjeçare.

Konferenca riafirmoi angazhimin e EUA-së për të mbështetur institucionet anëtare përmes advokimit strategjik, shkëmbimit të njohurive dhe nismave bashkëpunuese. Diskutimet theksuan rëndësinë e forcimit të rolit të universiteteve si motorë kyç të progresit shoqëror, vlerave demokratike dhe inovacionit në të gjithë Evropën.

Pjesëmarrja në këtë ngjarje ofroi njohuri të vlefshme mbi zhvillimet aktuale politike dhe drejtimet strategjike që formësojnë të ardhmen e arsimit të lartë evropian.