Në kuadër të bashkëpunimit ndërmjet Fakultetit Juridik të Universitetit “Isa Boletini” në Mitrovicë dhe atij të Universitetit Ndërkombëtar të Sarajevës, me datë 28.5.2025 u mbajt një ligjëratë online me temën “Të kuptuarit e shtetit: Parimet ligjore dhe funksioni administrativ në qeverisjen publike”. Ligjërata u mbajt nga Prof. Ass. Dr. Zahir Çerkini dhe u ndoq me interes nga studentët e të dy fakulteteve pjesëmarrëse.

Ky aktivitet shënon një tjetër hap konkret në thellimin e bashkëpunimit akademik mes institucioneve. Temat e trajtuara nxitën diskutim dhe reflektim mbi qeverisjen dhe shtetin e së drejtës në kontekste bashkëkohore.