Të nderuar/a,

Zyra për Bashkëpunim Ndërkombëtar në Universitetin “Isa Boletini” në Mitrovicë ju informon për mundësinë e pjesëmarrjes në International Staff Week të organizuar nga Uşak University në kuadër të programit Erasmus+.

Aktiviteti do të zhvillohet nga 4 deri më 8 maj 2026 dhe synon të nxisë bashkëpunimin ndërkombëtar, shkëmbimin e praktikave më të mira dhe rrjetëzimin ndërmjet stafit akademik dhe administrativ nga universitete partnere.

Programi i aktivitetit përfshin:

Prezantime institucionale dhe aktivitete trajnimi.

Mundësi për teaching assignments dhe shkëmbim të përvojave profesionale.

Takime dhe rrjetëzim me kolegë ndërkombëtarë dhe përfaqësues të departamenteve.

Vizitë në kampusin e universitetit dhe prezantim të aktiviteteve ndërkombëtare.

Dokumentet e nevojshme për aplikim

Stafi i interesuar për të marrë pjesë në mobilitetin e organizuar në kuadër të programit Erasmus+ duhet të dorëzojë këto dokumente:

Formulari i aplikimit (Application Form) i plotësuar.

CV në formatin Europass në gjuhën angleze.

Letër motivimi në gjuhën angleze (maksimumi 1 faqe), ku shpjegohet rëndësia e pjesëmarrjes në aktivitet për zhvillimin profesional dhe institucionin.

Dëshmi e njohjes së gjuhës angleze (certifikatë).

Kopje e dokumentit të identifikimit (pasaportë).

Dëshmi për përvojën e punës në (UIBM)
Kandidatët duhet të paraqesin një vërtetim nga njësia përkatëse ose nga Zyra e Burimeve Njerëzore që dëshmon periudhën e punësimit dhe pozicionin e tyre.

Dokumentet duhet të dorëzohen në formë elektronike në [email protected]  dhe (hard copy) në Zyrën për Bashkëpunim Ndërkombëtar brenda afatit të përcaktuar në thirrje.

Aplikimet e paplota ose të dorëzuara pas afatit nuk do të merren në shqyrtim.

Përzgjedhja duhet të jetë e drejtë, transparente dhe objektive, duke marrë parasysh faktorë si:

njohja e gjuhës angleze

përvoja profesionale

relevanca e mobilitetit për zhvillimin profesional.

Do të përcaktohen kandidatët kryesorë dhe kandidatët rezervë.

Kandidatëve që kanë përfituar më parë nga mobiliteti ICM në Uşak University do t’u zbriten 20 pikë nga vlerësimi total.