– MASH/ DALSH, mbulon shpenzimet e publikimeve për revista shkencore të indeksuara në
Web of Science dhe Scoopus me faktorë ndikimi pozitiv të autorëve, të cilët punën e tyre
kërkimore e realizojnë në institucionet kërkimore-shkencore të Kosovës.

– Financohen botime / publikimet nga fushat prioritare shkencore të parapara në Programin
Kombëtar të Shkencës:
Fushat shkencore prioritare për aplikim:
1. Burimet Natyrore, Energjia dhe Mjedisi.
2. Prodhimi Bujqësor.
3. Studimet Mjekësore.
4. Studimet Ekonomike dhe Sociale.
5. Studimet Gjuhësore, Kulturore dhe Historike.
6. Hulumtime Ndërdisiplinare për Teknologjitë e Komunikimit dhe Informacionit.

Kush mund të aplikojë?
• Aplikimet për botime/ publikime të veçanta bëhen vetëm prej personit fizik.
• Të drejtë aplikimi kanë vetëm punëtorët shkencorë që punojnë në Institucione kërkimore
shkencore.
• Merren parasysh botimet/publikimet e individëve dhe institucioneve që e ushtrojnë
veprimtarinë shkencore në Republikën e Kosovës.
• Aplikimi bëhet vetëm prej autorëve të parë, për punimet e publikuara gjatë vitit akademik
2025/26.
Për aplikim për botim duhet të plotësohen këto dokumente/dëshmi:

• Letërnjoftimi i aplikuesit (kopja);
• Aplikacioni i plotësuar;
• Kopja fizike e publikimit të punimit, me header të revistës së publikimit të punimit, në
Scopus ose në WEb of Science;
• Webfaqja e printuar e publikimit të punimit në Scopus ose Web of science: ku paraqitet
emri i punimit, emri i autorit dhe viti i publikimit;
• Deklarata e noterizuar nga autori që punimi nuk është i botuar pjesërisht apo tërësisht më
herët dhe që nuk ka sponsorë të tjerë;
• Transaksioni i pagesës në emër të tij (autorit);
• Dëshmia nga Universiteti / Kolegji për punimin i cili nuk është rimbursuar nga ana e
Institucionit ku autori punon;
• Kërkesat tjera në bazë të UA për botime dhe publikime shkencore në revista me if.
Sqarime shtesë:
• Financohen vetëm dy punime të një autori, të publikuara në revista që janë të indeksuara
dhe të listuara në platformen Scoopus dhe Web of Science, brenda një viti.
• Për revistat e listuara në Q1, kompensimi bëhet deri në 80% të vlerës e jo më shumë se
1500 €.
• Për revistat e listuara në Q2, kompensimi bëhet deri në 80% të vlerës e jo më shumë se
1200 €.
• Për revistat e listuara në Q3, kompensimi bëhet deri në 50% të vlerës e jo më shumë se
800 €.
• Për revistat e listuara në Q4, kompensimi bëhet deri në 50% të vlerës e jo më shumë se
600 €.
• Kërkesat tjera në bazë të UA për botime dhe publikime shkencore në revista me if.

Konkursi mbetet i hapur nga: 14.06.2026 deri më 30.09.2026

• Aplikacioni me dokumentacion të kompletuar dorëzohet në arkivin e MASH, zyra nr.4,
ndërsa të gjitha informatat rreth aplikimit, merren në zyrën nr. 302/b, kati 3, te
z. Fidan Kozhani.
Formularin dhe dokumentacionin shtesë mund ta gjeni në webfaqen e MASH-it:
https://mash.rks-gov.net/alldocuments/formulari-per-botime-me-impakt-faktor-2026/

Dokumentacionet e pakompletuara dhe aplikimi me vonesë nuk shqyrtohen