Universiteti “Isa Boletini” në Mitrovicë, Fakulteti Ekonomik, në bashkëpunim me IBANESS dhe institucionet partnere, njofton organizimin e XXV. International Balkan and Near Eastern Congresses Series on Economics, Business and Management. Kjo konferencë ndërkombëtare përfaqëson një platformë të rëndësishme akademike për studiues, hulumtues dhe profesionistë nga fusha e ekonomisë, biznesit dhe menaxhimit, duke synuar shkëmbimin e njohurive shkencore, diskutimin e zhvillimeve bashkëkohore dhe forcimin e bashkëpunimit ndëruniversitar në rajonin e Ballkanit dhe më gjerë.

Konferenca organizohet nga IBANESS, University of Agribusiness and Rural Development (Bullgari), University “St. Kliment Ohridski”, Faculty of Economics – Prilep (Republika e Maqedonisë së Veriut) dhe University “Isa Boletini” – Mitrovicë, Faculty of Economics (Republika e Kosovës). Aktiviteti do të zhvillohet në formë akademike online dhe do të përfshijë prezantime shkencore, sesione tematike dhe diskutime mbi çështje aktuale ekonomike dhe menaxheriale.

Studiuesit e interesuar ftohen të marrin pjesë me punime shkencore origjinale. Afati i fundit për dorëzimin e abstrakteve është 1 mars 2026. Informatat e detajuara për dorëzimin e abstrakteve, formatin dhe procedurat përkatëse mund të gjenden në linkun përkatës të konferencës: ju lutem gjeni në linkun: https://www.ibaness.org/congresses-all/xxv-ibaness-plovdiv-bulgaria-march-14-15-2026. Afati i fundit për pagesën e tarifës së pjesëmarrjes është 7 mars 2026, ndërsa po në këtë datë përfundon edhe afati për dorëzimin e artikujve të plotë. Programi zyrtar i kongresit do të publikohet më 13 mars 2026.

Konferenca do të mbahet online më 14–15 mars 2026. Universiteti “Isa Boletini” në Mitrovicë inkurajon stafin akademik, studiuesit dhe studentët e cikleve të avancuara të marrin pjesë aktive në këtë ngjarje shkencore me rëndësi ndërkombëtare.