Universiteti “Isa Boletini” në Mitrovicë (UIBM) pati kënaqësinë të mirëpresë përfaqësues nga Ambasada e Shteteve të Bashkuara të Amerikës në një takim që u përqendrua në forcimin e bashkëpunimit dhe riafirmimin e mbështetjes së SHBA-së për iniciativat arsimore në Kosovë. Si pjesë e këtij bashkëpunimi të vazhdueshëm, UIBM ka kënaqësinë të mirëpresë asistentin  për Mësimdhënie të Gjuhës Angleze nga Programi Fulbright (ETA) për vitin e ri akademik. ETA-ja do të mbështesë procesin mësimor të gjuhës angleze dhe do të angazhohet në mënyrë aktive me studentët dhe stafin përmes metodave inovative të mësimdhënies.

Përveç mësimdhënies në klasë, Fulbright  ETA-ja do të udhëheqë “Conversation Clubs” — aktivitete jashtëkurrikulare interaktive të cilat synojnë përmirësimin e aftësive të të folurit në gjuhën angleze dhe zgjerimin e njohurive kulturore të studentëve. Këto klube do të ofrojnë një hapësirë dinamike për studentët dhe stafin që të angazhohen në dialog të frytshëm mbi tema të ndryshme, duke nxitur shkëmbimin ndërkulturor dhe zhvillimin akademik.

UIBM shpreh mirënjohjen e thellë ndaj Ambasadës së SHBA-së dhe Programit Fulbright për partneritetin e vazhdueshëm dhe përkushtimin e tyre ndaj përparimit të ekselencës arsimore.