Profesori Asoc. Dr. Fatos Rexhepi mori pjesë me sukses në Second International Conference on Bioactive, Organic and Inorganic Advanced Materials and Clean Technologies, e mbajtur në Sofje, ku prezantoi punimin e tij shkencor në fushën e autenticitetit ushqimor dhe metodave moderne të identifikimit të përbërësve organikë.

Prezantimi u fokusua në qasjet inovative për detektimin e shpejtë dhe diferencimin e vajit të farës së kungullit austriak nga varietete të tjera jo-austriake, duke përdorur spektroskopinë FTIR të kombinuar me analiza kemometrike. Kjo metodë paraqet një alternativë të shpejtë, të besueshme dhe jo-destruktive me potencial të lartë për verifikimin e autenticitetit dhe kontrollin e cilësisë në industrinë ushqimore.

Paralelisht me konferencën, Prof. Fatos Rexhepi realizoi edhe një mobilitet akademik si CEEPUS Freemover në Universiteti i Teknologjisë Kimike dhe Metalurgjisë, ku pati mundësinë për shkëmbim përvojash, bashkëpunim akademik dhe zgjerim të rrjetit profesional ndërkombëtar.

Gjatë kësaj vizite akademike, ai zhvilloi një cikël ligjëratash profesionale mbi optimizimin e modeleve kalibruese për detektimin e autenticitetit të vajrave ushqimore, duke përdorur spektroskopinë FTIR të kombinuar me metoda kemometrike. Ligjëratat trajtuan procesin e ndërtimit, validimit dhe interpretimit të modeleve statistikore, si dhe rëndësinë e tyre në kontrollin modern të cilësisë dhe identifikimin e falsifikimeve në cilësinë e ushqimit.

Pjesëmarrja në aktivitete të tilla ndërkombëtare dëshmon përkushtimin e vazhdueshëm të stafit akademik të universitetit tonë ndaj kërkimit shkencor, inovacionit dhe bashkëpunimit ndërkombëtar.