Studentja e Fakultetit të Teknologjisë Ushqimore, Ardita Abazi, është duke zhvilluar praktikën profesionale në Universitetin e Uşakut në Turqi, në kuadër të programit Erasmus+ Internship, falë marrëveshjes së bashkëpunimit ndërmjet Universitetit “Isa Boletini” Mitrovicë dhe Universitetit Uşak.

Gjatë kësaj periudhe të semestrit dimëror 2025/26, ajo ka pasur mundësinë të punojë me profesorë të mrekullueshëm, të marrë pjesë në punën laboratorike dhe të kontribuojë në një projekt kërkimor.

Kjo përvojë po rezulton të jetë një eksperiencë e paharruar për të, duke i mundësuar të zgjerojë njohuritë, të fitojë përvojë praktike dhe të zhvillojë më tej aftësitë profesionale në fushën e saj të studimit.