Thirrje për aplikim – Bursa të Qeverisë së Kroacisë për vitin akademik 2026/2027
Të nderuar studentë,
Ju informojmë se Ministria e Shkencës, Arsimit dhe Rinisë e Republikës së Kroacisë, në bashkëpunim me Agency for Mobility and EU Programmes, ka hapur thirrjen për aplikim për Bursat e Qeverisë së Kroacisë për vitin akademik 2026/2027.
Këto bursa ofrojnë mundësi për studentët ndërkombëtarë që të realizojnë studime, kërkime shkencore ose mobilitete akademike në institucionet e arsimit të lartë në Kroaci gjatë periudhës tetor 2026 – shtator 2027.
Për kandidatët nga Kosova, janë në dispozicion 2 bursa për Seminarin Veror të Gjuhës, Letërsisë dhe Kulturës Kroate, i cili do të mbahet në Dubrovnik në muajin gusht 2026 dhe zgjat 2 javë.
Seminari përfshin:
• Kurs pa pagesë të gjuhës kroate
• Akomodim dhe ushqim të mbuluar
• Program kulturor dhe akademik
Kandidatët e interesuar duhet të aplikojnë përmes sistemit online të aplikimit të Agjencisë për Mobilitet dhe Programet e BE-së dhe aplikimi duhet të shoqërohet me dokumentacionin e kërkuar sipas thirrjes zyrtare.
Afati për aplikim: 10 prill 2026.
Për më shumë informacione rreth bursave, kushteve dhe dokumenteve të nevojshme për aplikim, ju lutemi konsultoni dokumentin e bashkangjitur ose vizitoni faqen zyrtare të programit.
Ju inkurajojmë të gjithë studentët e interesuar të shqyrtojnë këtë mundësi dhe të aplikojnë.