Zyra për Bashkëpunim Ndërkombëtar e Universitetit “Isa Boletini” Mitrovicë (UIBM) shpall thirrjen për aplikime për një mobilitet studentor me bursë Erasmus+ për semestrin pranveror të vitit akademik 2026 (9 shkurt – 22 qershor 2026) në Eskişehir Technical University, Turqi.

 Fushat e studimit të pranueshme

Inxhinieri Mekanike (30% në gjuhën angleze, në universitetin pritës)

Inxhinieri Kompjuterike (plotësisht në gjuhën angleze)

 Kriteret e përgjithshme

Kandidatët duhet të jenë studentë të rregullt të ciklit të parë (bachelor) në njërën nga fushat e sipërpërmendura.

Duhet të kenë përfunduar të paktën një vit studimi në UIBM në momentin e aplikimit.

Duhet të dëshmojnë nivelin minimal B2 të gjuhës angleze, përmes testit të brendshëm të UIBM ose një certifikate të vlefshme (p.sh. TOEF).

 Kriteret e vlerësimit

50% Nota mesatare (GPA)

50% Rezultati i testit të gjuhës angleze

Kriteret shtesë (sipas udhëzuesit Erasmus+):

Studentët me aftësi të kufizuara të dokumentuara përfitojnë +10 pikë.

Studentët që kanë përfituar më parë nga mobiliteti Erasmus+ (studime ose praktikë) marrin –10 pikë për çdo mobilitet të mëparshëm.

Nëse mobiliteti realizohet në shtetin e nënshtetësisë së studentit, aplikohen –10 pikë.

Në rast barazimi të pikëve, përparësi do të ketë studenti me notë mesatare më të lartë (GPA).

 Dokumentet për aplikim

Forma e aplikimit (e bashkangjitur)

Certifikata e notave (në gjuhën angleze, e përditësuar)

CV (në gjuhën angleze)

Letër motivuese (në gjuhën angleze)

Vërtetim nga fakulteti që konfirmon nivelin e studimeve dhe vitin akademik

Certifikata e gjuhës angleze (minimumi niveli B1)

* Kandidatët të cilët nuk posedojnë certifikatë të gjuhës angleze mund të testohen në UIBM.

 Vërejtje: Është në përgjegjësinë e studentit që të gjitha dokumentet e dorëzuara, përfshirë certifikatën e notave, të jenë të përditësuara dhe të pasqyrojnë saktë notën e tyre mesatare.
 Afati i aplikimitThirrja do të jetë e hapur për 30 ditë nga data e publikimit – 13 dhjetor 2025

 Dorëzimi i aplikimeve

Aplikimet dorëzohen:
 Fizikisht në Zyrën për Bashkëpunim Ndërkombëtar, Objekti 1, Kati 0, dhe online në adresën: [email protected]