Inkurajoheni të aplikoni në këtë program i cili promovon bashkëpunim afatgjatë mes institucioneve amerikane dhe atyre kosovare përmes projekteve që përputhen me qëllimet e Departamentit Amerikan të Shtetit dhe prioritetet e institucioneve pritëse. Projektet e Programit Fulbright Specialist duhet të realizohen në mënyrë fizike (jo virtualisht), pa përjashtime.

Programi Fulbright Specialist 2025
Afati për dorëzimin e projekteve: 20 korrik 2025

Bordi i Shkëmbimit Edukativ SHBA-Kosovë – United States-Kosovo Educational Exchange Board (USKEB) fton institucionet pritëse në Kosovë të dorëzojnë propozime për projekte në kuadër të Programit Fulbright Specialist, i cili mundëson që institucionet pritëse të ftojnë studiues dhe profesionistë të kualifikuar nga SHBA për periudha prej dy deri në gjashtë javë për të realizuar një projekt të përcaktuar. Aplikimet duhet të dorëzohen përmes portalit World Learning deri më 20 korrik 2025. Projektet duhet të fillojnë jo më herët se 1 tetori 2025 dhe të përfundojnë deri më 30 shtator 2026. Programi në Kosovë ofron rreth 12 grante Fulbright Specialist në vit kalendarik.

Kohëzgjatja e projektit: Projekti i një Fulbright Specialist duhet të zgjasë së paku 14 ditë dhe maksimumi 42 ditë, duke përfshirë ditët e udhëtimit nga SHBA dhe fundjavët.

Për vitin financiar 2025, aktivitetet e Fulbright Specialist mund të zhvillohen brenda 24 disiplinave të përcaktuara, secila me fusha specifike specializimi.

Institucionet dhe fushat e pranueshme:
Institucionet pritëse të huaja që përfshihen janë, por nuk kufizohen vetëm në:

Institucione akademike të njohura (universitete, kolegje, institucione kërkimore, institucione të arsimit profesional/teknik),

Institucione qeveritare (ministri, agjenci),

Institucione kulturore (muze, biblioteka, konservatore, teatro),

Organizata joqeveritare (OJQ, think tank),

Institucione shëndetësore publike (organizata të shëndetit publik, spitale mësimore).

Kriteret e pranueshmërisë për Programin Fulbright Specialist përcaktohen nga Bordi i Fulbright për Stipendime të Huaja (FFSB) dhe ECA. Listën e plotë të kritereve mund ta gjeni këtu linku

PROCEDURA E APLIKIMIT & AFATET
Institucionet kosovare që dëshirojnë të presin një Fulbright Specialist në vitin kalendarik 2025-2026 duhet të aplikojnë drejtpërdrejt përmes portalit online të World Learning deri më 20 korrik 2025. Për më shumë informacion rreth programit, vizitoni: Fulbright Specialist Program – Ambasada e SHBA në Kosovë.

PROCEDURAT E ZGJEDHJES
Aplikimet i nënshtrohen shqyrtimit paraprak për përshtatshmëri dhe përputhshmëri me prioritetet e Administratës.
Bordi i Shkëmbimit Edukativ SHBA-Kosovë shqyrton aplikimet e institucioneve pritëse dhe zgjedh projektet që do të financohen.
Më pas, Specialistët Fulbright identifikohen bazuar në projektet e përzgjedhura dhe zgjidhen nga Byroja e Çështjeve Edukative dhe Kulturore.

INFORMACION PËR KONTAKT
Institucionet kosovare që kanë interes për të pritur një Fulbright Specialist mund t’i drejtohen pyetjeve në:

[email protected] ose [email protected]