Më 15 shtator 2026, trajnerët e modulit “Managing People” (Menaxhimi i Njerëzve) në kuadër të projektit LEADALKO – “Leadership Capacities Development in Higher Education across Albania and Kosovo” mbajtën një takim online me qëllim të koordinimit dhe finalizimit të materialeve trajnuese të modulit.

Takimi u inicua dhe u koordinua nga Prof. Assoc. Dr. Filloreta Kunoviku Demiri, nga Universiteti “Isa Boletini” në Mitrovicë (UIBM), në cilësinë e udhëheqëses së grupit punues përkatës.

Gjatë takimit, trajnerët diskutuan për harmonizimin dhe unifikimin e përmbajtjes së modulit, me qëllim të sigurimit të koherencës, cilësisë dhe një qasjeje të përbashkët në realizimin e aktiviteteve trajnuese. Në fokus ishte plotësimi dhe finalizimi i dokumentacionit dhe materialeve për secilin modul, përkatësisht:

• Formularët e harmonizimit (Harmonization Forms), për të siguruar përputhshmërinë e përmbajtjes dhe objektivave të modulit;
• Formularët e unifikimit (Unification Forms), për të garantuar një strukturë dhe qasje të unifikuar të materialeve trajnuese;
• Shënimet për tutorët (Tutor’s Notes), si udhëzues për mbështetjen dhe realizimin efektiv të procesit të trajnimit;
• Prezantimet e unifikuara në PowerPoint (Unified PPTX Presentations), për të siguruar konsistencë dhe cilësi në prezantimin e përmbajtjes mësimore.

Takimi përbënte një hap të rëndësishëm drejt përmbylljes së materialeve të modulit “Managing People”, duke forcuar bashkëpunimin ndërmjet trajnerëve dhe duke siguruar që materialet të jenë të harmonizuara, të strukturuara dhe të përshtatshme për zbatimin e aktiviteteve trajnuese.

Përmes këtij angazhimi, Universiteti “Isa Boletini” në Mitrovicë vazhdon të kontribuojë në zbatimin e suksesshëm të projektit LEADALKO dhe në zhvillimin e kapaciteteve të lidershipit në arsimin e lartë në Kosovë dhe Shqipëri, me theks të veçantë në forcimin e aftësive menaxhuese, zhvillimin e burimeve njerëzore dhe përmirësimin e praktikave të udhëheqjes institucionale.