Projekti SHER

EmpowerHER: Bridging Gender Equality, Mental Health, and Entrepreneurship for Female Students është një projekt në kuadër të Programit të Granteve të Vogla SHER. Projekti synon fuqizimin e studenteve femra në Mitrovicë përmes adresimit të pabarazisë gjinore, forcimit të qëndrueshmërisë mendore dhe pajisjes së tyre me aftësi ndërmarrëse. Ai ofron një qasje gjithëpërfshirëse duke kombinuar trajnimin në zhvillimin e biznesit me vetëdijësimin për shëndetin mendor, në mënyrë që të mbështesë të rejat si profesionalisht ashtu edhe personalisht në rrugëtimin e tyre ndërmarrës.

Objektivat

1. Promovimi i barazisë gjinore në ndërmarrje duke fuqizuar studentet femra të ndjekin dhe të arrijnë sukses në nisma biznesi.
2. Forcimi i qëndrueshmërisë mendore përmes burimeve, strategjive dhe vetëdijësimit për menaxhimin e stresit, ankthit dhe sfidave të tjera që lidhen me ndërmarrjen.
3. Pajisja e studenteve me aftësi dhe njohuri ndërmarrëse për të ndërtuar biznese të qëndrueshme dhe të suksesshme.
4. Rritja e vetëdijes mbi ndërthurjen mes pabarazisë gjinore dhe sfidave të shëndetit mendor dhe ndikimin e tyre në aspiratat ndërmarrëse të grave.

Rezultatet e pritshme

• Rritja e numrit të studenteve femra që zhvillojnë dhe zbatojnë idetë e tyre të biznesit.
• Përmirësim i shëndetit mendor dhe mirëqenies së studenteve përmes punëtorive, webinareve dhe aktiviteteve mbështetëse.
• Ulje e stigmatizimit rreth shëndetit mendor në sipërmarrje dhe inkurajim për të kërkuar ndihmë kur është e nevojshme.
• Promovim i barazisë gjinore në ekosistemin ndërmarrës, duke frymëzuar më shumë gra të marrin role udhëheqëse në biznes.
• Krijimi i një mjedisi mbështetës dhe gjithëpërfshirës për gratë ndërmarrëse në Kosovë

Ekipa e projektit

• Prof. ass. dr. EDBA. Filloreta Kunoviku Demiri – Koordinatore e projektit
• Prof. asoc. dr. Merita Shala – Senior researcher
• Erzen Isufi – Staf administrativ